عاوزين تعرفوا ليه بتعيط؟؟؟

بكل بساطة الطفلة دى شافت باباها متضايق وزعلان

حبت تراضيه

راحت تكلم مامتها بس .......انتوا عارفين

راحت ببراءة الاطفال رفعت سماعة التليفون وقالت

يارب بابا وماما ما يزعلوش مع بعض تانى ويفضلوا يحبونى لغاية ما ..اموت

ونزلت دموعها

تايهين فى الطريق

على فكرة انا سمعت الكلمة دى فى خطبة الجمعة من الشيخ وعجبنى الموضوع الى بيتكلم فيه

الموضوع وما فيه كان عن تقلبات احوال الانسان ,

يعنى ساعات تلاقى الواحد منينا يبقى شيخ وساعات تانى يبقى العن من ابليس ذات نفسه

لكن اللى عجبنى اكتر ان الموضوع بسهولة يتحل اذا الواحد اختار الصاحب المخلص والى بيخاف ربنا

لان زى ما بيقول المثل ان" الصاحب ساحب"ـ

وعن نفسى انا باحمد ربنا لانى تقريبا خلاص عرفت صاحبى كويس

واتمنى دايما ان نكون مع بعض حتى نصل الفردوس الاعلى

انا شايف ان لوكل واحد عرف ازاى يختار صاحبه انا واثق انه هيحس ان معاه كنز اغلى من كنوز قارون